Rechercher dans ce blog

vendredi 6 août 2010

طورطة الخوخ بالكنفتير و العسل





السلام عليكم ورحمة الله وبركاته





طبعا حبيباتي كلكم كتعرفو للطرطات

و هي اسهل و ابسط شي فالحلويات
و ممكن تزيينها باي شيء متوفر فالكوزينة،





و ليوم عملت هاد الطرطة البسيطة
فقولو بسم الله و قبلو على موجد

















المقادير :





العجين :

250 غرام دقيق فورص
125 غرام زبدة
50 غرام سكر ( للي بغات العجينة حلوة تزيد )
رشة ملح
بيضة
1 ساشي خميرة الحلوة
1ساشي فاني


الحشو و التزيين :




نصف لتر حليب
2 معالق كبار بودرة كريم باتيسيير ( جاهزة)
سكر حسب الذوق انا عملت ملعقة كبيرة
خوخ (استعمل 3 خوخات كبيرة)
3معالق كبيرة كنفتير الخوخ او المشماش
2 مع
الق كبيرة عسل














الطريقة :




كنحضرو العجين المرمل :

فاناء كنخلطو الدقيق مع الزبدة (درجة حرارة المطبخ)
و نفتلوه حتى يترمل مزيان
و بعدها نضيفو عليهم خميرة الحلوة
و البيضة و رشة الملح و السكر و الفاني
و نعجنو الكل حتى يتجانس ،



انا خدمتها فالعجان حتى دلكها مزيـان






بعدها سرحتها بسمك 1 سنتيمتر



حطيت المول فوق العجين باش نقطعها بقياس مناسب




و قطعت الزائد



دهنت المول بالزبدة




و فرشتها




فالمول






قاديت الحواف




و تكيتها بطريقتي هههه




باش متنفخ







و دخلتها للفرن حتى كتاسبات لون ذهبي خفيف




لما قربت نخرجها من الفرن ، و جدت الكريم باتيسيير




كنعمل الجاهز بودة ،


2معالق كبيرة بودة كريم باتيسيير
دوبتها مع السكر و نصف لتر حليب





و درتها فوق عافية مهيلة







مع التحريك حتى عقدات

و لما طابت الفون ديال الطرطة




كبيت عليها كريمة الباتيسيير سخونة و خليتها تبرد


و دخلتها للثلاجة حتى جمدت الكريمة و ثبتت




و بعدها صفت الكنفتير كيف مبين فالصورة



و فهاذ الوقت حضرت الزينة :





قطعت الخوخ شرائح رقيقة ،
و حضرت سيرو العسل
2 معالق كبيرة
العسل
دوبتها مع 2 معالق ماء دافي







بعد مخرجت الطرطة من الثلاجة و عقدات الكريم باتيسيير










بديت فالتزيين





من الخارج بالتجاه الداخل





على شكل وردة



طبعا كلا يزين على ذوقو و حسب المتوفر




بعد مكملت تستاف الخوخ على وجه الطرطة




دهنتها بسيرو العسل للي حضرت


و دخلتها للفرن مسخن على درجة 150 مدة 5 دقائق باش يتشرب الخوخ العسل و يعطيه بريق












التقديم :







و قدميها بالصحة و الراحة






ممكن تقدموها فنفس اليوم





او حتى تبات و تتشبع النكهات










ان شاء الله تروقكم الوصفة









الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته


jeudi 5 août 2010

سلطة المكور بالالوان و كريمة البطاطة



السلام عليكم ورحمة الله وبركاته







حبيباتي هادي سلطة ســــــاهلة
مكتحتاج كثرة خدمة والا مقادير











المقادير :

مكور ابيض او اخضر
مكور احمر
قزبر و معدنوس مشلضين
للتتبيل كريمة البطاطة


هنا غتلقاو طريقة تحيضيرها بالصور و التفاصيل


صوص كريمة البطاطة اللذيذة من مطبخي بالمراحل و الصور كالعادة












الطريقة:

كنقطعو المكور لاحمر



و الابيض



الى شرائح رقيقة كل على حدة

كناخدو المكور الاحمر كنضيفو ليه صوص كريمة البطاطة








و كنخلطو الكل مزيان



و نحطوه فطبق التقديم



و ندوزو نخلطو المكور الابيض


مع القزبر و المعدنوس مشلضين رقيق



و نخلطو الكل بصوص كريمة البطاطة
و نحطو الخليط وسط طبق التقديم




و نزينو بعريش قزبر او معدنوس
ولا اسهل










التقديم:







طبعا كنقدموها مباشرة بعد التحضير
يعني متخلطوها و تبلوها الا ملي تبغيو تقدموها فالحين
لان المكور كيتاثر و كيتاكسد بعد التتبيل بسرعة و كيفقد منافعو








اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته








Related Posts Plugin for WordPress, Blogger...
 
Paperblog