Rechercher dans ce blog

dimanche 25 janvier 2009

بغرير ساهل ماهل يوجد فدقائق



السلام عليكم ورحمة الله وبركاته





طبعا كلكم كتعرفو للبغرير لكن مافيها بس نوريكم طريقتي










المقادير:







500 غرام سميدة رقيقة
فنجان صغير دقيق الفينو
نصف ملعقة صغيرة ملح
نصف ملعقة صغيرة خميرة الخبز حبوب
ملعقة كبيرة خميرة الحلوى او 2 ساشييات
نصف ملعقة صغيرة بيكاربونات الصودا
ملعقة صغيرة بودرة سكر الڤاني او ساشي 1 فاني
نصف لتر ماء فاتر (ماشي دافي ماشي بارد )




الطريقة:














فالخلاط كنعمل الماء اولا مع خميرة الخبز حبوب و خميرة الحلوى و البيكاربونات
و كنطرب الكل
ثم باقي المقادير و كنخلط الكل مزيان حتى يتمازج



و كنوجد المقلات ديالي كنمسحها
للتاكد من انها ناشفة و مفيهاش رواسب
وكنديرها تسخن على عافية متوسطة

و كنبدا نطيب البغرير بدون تخمير












التقديم :







كنسقيه بالزبدة مذوبة فالعسل و نقدمو سخون


و هاهو واجد بالصحة و الراحة








ملاحظة:

بالنسبة لبيكاربونات الصودا
فهي طبعا كتساعد فان البغرير يجي مخرڭ و خفيف
و الاهم انه الناس للي عندهم مشاكل فالمعدة و كيجيهم البغرير ثقيل فالهضم
فبإضافة البيكاربونات كيسهل الهضم و كيخفف من حرقة المعدة
و هذا سبب استعمالي له



ان شاء الله تعجبكم طريقتي و تفيدكم









اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته


mardi 20 janvier 2009

سلطة الحمص بالحامض و سكنجبير



السلام عليكم ورحمة الله وبركاته








حبيباتي ان شاء الله
تكونو كلكم بخير و على خير

اليوم غنقدم ليكم سلطة اقتصادية و سهلة و فنفس الوقت لذيذة و صحية


اضغط على الصورة لرؤيتها بالحجم الطبيعي

بطعم مميز للي عزيز عليهم الحمص

اضغط على الصورة لرؤيتها بالحجم الطبيعي

و هي سلطة الحمص بالحامض و سكنجبير








نخليكم مع المقادير و الطريقة













المقادير:


اضغط على الصورة لرؤيتها بالحجم الطبيعي

حمص مرطب و مسلوق او مفور
حامض
معدنوس
سكنجبير طري
ثوم
ملح
كامون
زيت زيتون













الطريقة:









طبعا كلكم كتعرفو ترقدو الحمص انا كنحفظو فقريعة مرقد فالثلاجة و كنغير الماء كل اسبوع

اضغط على الصورة لرؤيتها بالحجم الطبيعي

باش يبقى ديما عندي الحمص مرقد جاهز للإستعمال

اضغط على الصورة لرؤيتها بالحجم الطبيعي

فهاد الوصفة ممكن تسلقو الحمص او تبخروه فالكسكاس حسب ذوقكم
انا كنفضلو مبخر كيكون طعمو افضل
ويلى معنديش الوقت كنسلقو فالكوكوط باش يجهز دغيا

اضغط على الصورة لرؤيتها بالحجم الطبيعي

بعد ميطيب و يتنشف ممكن تستعمليه بقشورو او تقشروه
شخصيا كنخليه بالقشر لانه مفيد و كيعجبني



كنجهزو خلطة الثوم و السكنجبير الطري
كنقيو الثوم و نقطعوه و كذلك عرق السكنجبير الطازج كناخذو منو قياس ملعقة صغيرة

اضغط على الصورة لرؤيتها بالحجم الطبيعي



و كنطحنوهم او ندقوهم او نحكوهم

اضغط على الصورة لرؤيتها بالحجم الطبيعي

و نشلضو المعدنوس


اضغط على الصورة لرؤيتها بالحجم الطبيعي

ثم كنخلطو الكل مع بعض

اضغط على الصورة لرؤيتها بالحجم الطبيعي

الحمص مع خلطة سكنجبير و الثوم و رشة كامون و ملح و قياس 2 معالق عصير حامض

اضغط على الصورة لرؤيتها بالحجم الطبيعي

و المعدنوس مشلض و ملعقة زيت زيتون



و هاهي السلطه جازة


اضغط على الصورة لرؤيتها بالحجم الطبيعي

كنزينوها بالمعدنوس و ترونش حامض و للي كيبغي زيت الزيتون يزيد خويط منها فوق السلطة













التقديم :


اضغط على الصورة لرؤيتها بالحجم الطبيعي

نقدموها بالصحة و الراحة


اضغط على الصورة لرؤيتها بالحجم الطبيعي

و لا داعي نقول انها سلطة كتشبع مزيان و مذاقها مميز

اضغط على الصورة لرؤيتها بالحجم الطبيعي


و بالصحة و الراحة







ان شاء الله تعجبكم الوصفة و تجربوها
و تكون اضافة مفيدة
و طريقة جديدة لتقديم الحمص


و بإذن الله نحط ليكم طرق اخرى
لتقديم اطباق بالحمص تنوعو بيها وصفاتكم





اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته
Related Posts Plugin for WordPress, Blogger...
 
Paperblog