Rechercher dans ce blog

Chargement...

mardi 2 janvier 2007

سمكة ميرلا مشرملة و مقلية فالاكتيفراي مع الخضار



السلام عليكم ورحمة الله وبركاته










هدا طبق بسيطة و سريعة التحضير



ان شاء الله تعجبكم هاد الطريقة فقلي الميرلا بشكل مغاير









المقادير :




سمكة ميرلا وزن 1 كيلوغرام



الشرمولة :

ربيع مشلض
ملعقة صغيرة موطارد
ملعقة صغيرة زبدة
ضرس كبير ثوم محكوك
ملعقة كبيرة دقيق الشعير او للي متوفر عندكم
ملح ابزار كامون










الطريقة:




بعد منقيت الحوتة و غسلتها مزينا و قطرتها


وجدت الشرمولة ديالها
و للي هي :



ربيع مشلض +ملعقة صغيرة موطارد + ملح ابزار كامون
+ملعقة صغيرة زبدة + ضرس كبير ثوم محكوك
+ملعقة كبيرة دقيق الشعير او للي متوفر عندكم



خلطتهم مزيان حتى حصلت على عجينة كريمية متجانسة



و شديت الحوته ديالي و دهنتها مزينا بهاد الخليط من كل الجهات


و للي بقا دهنت بيه الكرش ديالها



و حطيتها فمقلات




و مباشرة للاكتيفراي




و سديت عليها حتى طابت و تقلات



و فهاد الوقت كان عندي البطاطة و خيزو مسلوقين جاهزين كيف العادة



خذيتهم و شرملتهم الشرمولة التقليدية البلدية








مع الربيع مشلض و التحميرة و الكامون و الملح و الثوم مدقوق
و ملعقة زيت بلدية (زيت العود)





و قدمتهم برفقة الميرلا







التقديم :








قدمت الكل مرفق بترونشات الحامض
و مزين بالربيع



بالصحة و الراحة








ملاحظة:




نفس الطريقة يعني الحوت مقلي بخلطة شرمولة الزبدة
ممكن تعملوها مع اي نوع سمك
او حتى لحم احمر او ابيض دجاج...
و ممكن تضيفو ليها اي توابل كتفضلو


و تطبوها فالفرن يعني تقلى فالفرن بدل متقلى فمقلات الزيت
كتجي الذ و مكتشربش الزيت و مڭررررررملة من برا و طرية من الداخل
كل وصفات الاكتيفراي ممكن تعملوها فالفرن بنفس الطريقة
اي شي كيتقلى فالزيت ممكن دهنون بزيت او زبدة
و دخلوه للفران يتحمر و يكون طعمو احسن و صحي الكثر


ان شاء الله تجربوها و تردو عليا خبر






اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد





اللهم ادمها نعمة و بارك لنا فيها و اكتب لي بها حسنة طيبة و احفظها من الزوال





الله يرزقنا و إياكم خيرات الدارين و لا يحرمنا من طيبات الجنة و نعيمها





دمتن في رعاية الكريم





اختكن أمنــار





أم ريـَّــان

وعليكم السلام ورحمة الله وبركاته


5 commentaires:

  1. السلام عليكم و رحمة الله

    ماشاء الله عليك كل وصفاتك مميزة قلبا و قالبا و يشرفني ان اكون عضوة متتبعة بشغف لمدونتك المميزة

    RépondreSupprimer
  2. اختي امنار ماشاءالله عليك تصوري اول مرة كندخل للمدونة ديالك للاسف. انا كنشجعك بزاف الله يوفقكويجازيكخير على هاد الوصفات والنصائح وكنتمنى تحطي لينا واحدالوصفة ديال تاكلياتي المقادير والطريقة الله يجازيك بخير

    RépondreSupprimer
  3. bonjour chère amanarre

    tbark allah alik okheti

    j'adore ton blog et encore plus tes recettes

    merci et bonne continuation

    bisous

    RépondreSupprimer
  4. وعليكم السلام

    بارك الله فيه اختى
    lbanate

    كلماتك فرحتني الله يفرح قلبك
    تميزي بكم و تشجيعكم لي هو حافزي












    اختي
    safa159263
    مرحبا بيك نورت مدونتي بطلتك
    الله يجبر بخاطرك و يفرح قلبك كلماتك فرحاتني و تشجيعكم لي يعني لي الكتير و هو للي كيخليني نستمر

    ان شاء الله عن قريب نزل الوصفة للي طلبتي غير دعي معي ربي يزرع البركة فوقتي و يبارك لي فيه باش نزل كل جديد بإذنه تعالى









    bonjour et Merci chère sissi
    allah ibarak fik
    tes mots et ton passage me font énormément plaisir

    bisous

    RépondreSupprimer
  5. السلام عليكم و رحمة الله

    ماشاء الله عليك كل وصفاتك مميزة

    RépondreSupprimer

Related Posts Plugin for WordPress, Blogger...
 
Paperblog