السلام عليكم ورحمة الله وبركاته
حبيباتي اليوم عنقدم ليكم پوتايتوس
ساهلة و لذيذة و مقرمشة
پوتايتوس بالزعيترة
المقادير :
بطاطة
زعيترة
زيت
ملح
الطريقة:
طبعا كنغسلو البطاطة مزيان
و نختارو النوع للي قشرتو رقيقة
لان معروف ان الپوتايتس هي البطاطة للي كتقلى بالقشرة ديالها يعني مكتنقاش
كنديرو الماء يغلي
و لما يوصل درجة الفوران يعني يطبخ مزيان
كنلوحو فيه البطاطة تسلق نصف سلقة بين 3 الى 5 دقائق لا اكثر
بعد متسلق البطاطة نصف سلقة
كنقطعوها مكعبات
نملحوها على ذوقنا
و نضيفو ليها الزيت (انا عملتها فالاكتيفراي يعني مع ملعقة زيت)
لو بغيتو ممكن تعملوها فالفرن نفس النتيجة و نفس كمية الزيت غير ملعقة تكفي
نخليوها حتى تبدا تتحمر و نضيفو ليها الزعيترة
تقريبا قياس ملعقة كبيرة
و
نخليوها تقلى حتى تتحمر
و دير قشرة محمرة و مقرمشة
كيف كتبين الصور
كيف كتبين الصور
التقديم:
نقدمها سخونة او دافية
كمرفق لطبق رئيسي
او كمقبلات
او نخضر بيها فوق اللحم او الدجاج
او نقدما للاطفال للي عزيزة عليهم البطاطة المقلية
كيف شفتو
ساهلة سريعة و لذيذة بإذن الله لما تجربوها تردو عليا خبر
اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد
اللهم ادمها نعمة و بارك لنا فيها و اكتب لي بها حسنة طيبة و احفظها من الزوال
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتن في رعاية الكريم
اختكن أمنــار
أم ريـَّــان
وعليكم السلام ورحمة الله وبركاته
Articles
السلام عليكم و رحمة الله
RépondreSupprimerماشاء الله عليك كل وصفاتك مميزة قلبا و قالبا و يشرفني ان اكون عضوة متتبعة بشغف لمدونتك المميزة
Tchahi yaatik assaha
RépondreSupprimerوعليكم السلام
RépondreSupprimerبارك الله فيه اختى
lbanate
كلماتك فرحتني الله يفرح قلبك
تميزي بكم و تشجيعكم لي هو حافزي
baraka allaho fik okheti Rouda
hada men do9ak
allah iksik belbass assaha o l8na
لسلام عليكم تبارك الله ما شاء الله على لفنون و الله يحفظ لك ما عز عليك
RépondreSupprimer