Rechercher dans ce blog

dimanche 6 février 2011

الپوتايتوس بعطرية الكفتة بالصور كالعادة من مطبخي



السلام عليكم ورحمة الله وبركاته









حبوباتي ان شاء الله تكونو كلكم بالف خير
توحشتكم بزآآآآآآف
واسفة على الغياب المطول حبيباتي
و اتمنى ما تبخلوا علي بدعواتكم الطيبة يا طيبات
فانا في امس الحاجة ليها





اليوم عنقدم ليكم پوتايتوس بنكهة جديدة
بخلطة توابل مغربية اصيلة
ساهلة و لذيذة و مقرمشة




الپوتايتوس بعطرية الكفتة











المقادير :




1 كيلوغرام بطاطة ( حبذا تكون صفراء باحجام متقاربة)




1 ملعقة كبيرة عطرية الكفتة (سكنجبير والكمون والقرفة ، والتحميرة الحلوة ، و القزبرة حبوب و بسيبيسة... مطحونين) ممكن تشريوها جاهزة كتتباع واجدة
ملح
ملعقة كبرة زيت









الطريقة:



كنديرو الماء يغلي


طبعا كنغسلو البطاطة مزيان
و نختارو النوع الاصفر للي قشرتو رقيقة
لان معروف ان الپوتايتس هي البطاطة للي كتقلى بالقشرة ديالها يعني مكتنقاش

و لما يوصل درجة الفوران يعني يطبخ مزيان
كنلوحو فيه البطاطة تسلق بين 2 دقائق لا اكثر





نقطروها من الماء و كنقطعوها على 4 او على 6 اقسام
باش تعطينا ما يشبه الاصابع متساوية الأحجام




نملحوها على ذوقنا
و نضيفو ليها عطرية الكفتة
و نضيفو ليها الزيت (انا عملتها فالاكتيفراي يعني مع ملعقة زيت)
لو بغيتو ممكن تعملوها فالفرن نفس النتيجة و نفس كمية الزيت غير ملعقة تكفي
نخليوها تقلى حتى تتحمر
و دير قشرة محمرة و مقرمشة
كيف كتبين الصور














التقديم:





نقدمها سخونة او دافية




كمرفق لطبق رئيسي او كمقبلات
او نخضر بيها فوق اللحم او الدجاج
او نقدما للاطفال للي عزيزة عليهم البطاطة المقلية



كيف شفتو ساهلة سريعة و لذيذة بإذن الله لما تجربوها تردو عليا خبر







اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته



5 commentaires:

  1. السلام عليكم و رحمة الله

    ماشاء الله عليك كل وصفاتك مميزة قلبا و قالبا و يشرفني ان اكون عضوة متتبعة بشغف لمدونتك المميزة

    RépondreSupprimer
  2. السلام عليكم ورحمة الله وبركاته
    اختي نوره
    هادشي زين تبارك الله انا شهيتي بغيت نعملوا اليوم قبل غدا
    ان شاء الله
    انت سعداتك مع الاكتيفراي
    انا مابغيتش نشريها حيث كاينه عند الاسره ديالي
    وممكن نمشي نسكن الهيه معهم
    ونكون شارياه على الفاضي
    ولكن قوليلي كيفاش نعملها بملعقه ديال الزيت في الفرن
    واش ناخد الصينيه ونعملهم فيها
    ونرش عليهم زيت او ماذا؟؟

    RépondreSupprimer
  3. و عليكم السلام و رحمة الله
    معك امنار الزين ماشي نورة الله ينور علينا فالدارين

    بالنسبة لسؤالك فنعم احبيبة ممكن تعمليها فطاوة او صينية او طبسيل يدخل الفران دهنيها بالزيت و تبليها و ملحيها على ذوقك و دخليها تتحمر فدرجة حرارة 180 حتى تحصلي على القرمشة للي بغيتي
    و بالصحة و الراحة مسبقا

    RépondreSupprimer
  4. آها داكشي الي عملت
    مشكوره اختي
    أمنار

    RépondreSupprimer
  5. بالصحة و الراحة احبيبة الله يطعمك من الجنة ونعيمها

    RépondreSupprimer

Related Posts Plugin for WordPress, Blogger...
 
Paperblog