Rechercher dans ce blog

Chargement...

lundi 2 novembre 2009

سلطة الفرفارة سهلة و لذيذة





السلام عليكم ورحمة الله وبركاته





حبيباتي هاذي شلاضة مشكلة سهلة و لذيذة









المقادير :




بطاطة مسلوقة مقطعة مربعات متوسطة الحجم

خيزو (جزر) محكوك بحجم متوسط

مكور ( ملفوف) مقطع رقيق جدا

جلبانة مسلوقة

لوبية خضراء مسلوقة و مقطعة لمكعبات صغيرة

خيار مقطع رقيق لنصف دوائر

مطيشة (طماطم) مقطعة لمكعبات صغيرة

فلفلة ( فلفلفل اخضر) مقطع لمكعبات جد صغيرة

بصل مفروم بحجم صغير

باربة مسلوقة و مقطعة لمكعبات صغيرة



ربيع مفروم

ملح،

إبزار،

كامون،

خل،

موتارد،

مايونيز،

زعتر،

ثوم محكوك ناعم،

زيت





للتزين :



حبات زيتون للتزين

شرائح مطيشة (طماطم) على شكل هلال










الطريقة :







طبعا كنغسلو الخضر
و نقيو لي غيتنقى
و نقطعو للي غيتقطع او يتشلظ
و نسلقو للي غيتسلق
و نعزلو كل نوع خضرة فإناء بوحدو
و نخليوها فالثلاجة لحين يقرب وقت التقديم





ملي نقربو نقدموها نوجدو الصلصات او الصوص
و انا عملت الآتي:



صلصة البطاطا :

ملح + خل+ إبزار+ كامون+ بصل مفروم+ ربيع مفروم + زعتر+ نصف راس ملعقة زيت(لو زيت اركان كتكون الذ)



صلصة المكور ( الملفوف):

:ملح + إبزار+خل+ موتارد+ مايونيز


صلصة خيزو (الجزر) :

ملح + إبزار+خل+ موتارد+ مايونيز



صلصة الباربا :

ضرس ثوم محكوك ناعم+ ملح + إبزار+ موتارد+ ميونيز+ربيع مفروم+خل


صلصة الجلبانة و اللوبية الخضراء:

ضرس ثوم محكوك ناعم+ ملح + إبزار+ موتارد+ ميونيز+ربيع مفروم+خل



صلصة الماطيشة بالبصلة و الفلفل:

ملح +خل+ إبزار+ نصف راس ملعقة زيت


و نخلطوا كل خضرة بالصلصة ديالها
و نبداو فترتيبها فالطبسيط






التقديم :





تزين السلطة كيف مبين فالصورة
بحيث نوضعو كل خلطة من الخضر على شكل شبه هلال
باش فالاخير يعطينا شكل زهرة او مروحة
و نزينوها بشرائح الخيار فجنبات الطبسيل
و فالوسط ديالو مع شرائح مطيشة و حبات زيتون



و بالصحة والراحة



























غتلاحظو اني مكنستعملتش الزيت

ملي كنكون عملت المايونيز او الموتارد
لانها هيا مصنوعة بالزيت فلا داعي لإضافته


طبعا الزيت مهمة فالسلطات

لكن غير القياس باش تبقى السلطة صحية و تستافدو من الخضر

(غير راس ملعقة صغيرة و انا كنعملها فالرشاشة فكتكون الكمية قليلة)


و من الافضل منديرو الصلصة للخضر حتى نقربو نقدموها
باش كتبقى طرية و المذاق الذ!








اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد


اللهم ادمها نعمة و بارك لنا فيها و اكتب لي بها حسنة طيبة و احفظها من الزوال


الله يرزقنا و إياكم خيرات الدارين و لا يحرمنا من طيبات الجنة و نعيمها





دمتن في رعاية الكريم





اختكن أمنــار





أم ريـَّــان


وعليكم السلام ورحمة الله وبركاته


3 commentaires:

  1. السلام عليكم و رحمة الله

    ماشاء الله عليك كل وصفاتك مميزة قلبا و قالبا و يشرفني ان اكون عضوة متتبعة بشغف لمدونتك المميزة

    RépondreSupprimer
  2. وعليكم السلام

    بارك الله فيه اختى
    lbanate

    كلماتك فرحتني الله يفرح قلبك
    تميزي بكم و تشجيعكم لي هو حافزي

    RépondreSupprimer
  3. ما شاء الله الفنون الله يعطيك الصحة

    RépondreSupprimer

Related Posts Plugin for WordPress, Blogger...
 
Paperblog