Rechercher dans ce blog

Chargement...

vendredi 25 mai 2007

كوكتيل الفواكه و... لذيذ مغذي واقتصادي









السلام عليكم و رحمة الله



هاد الكوكتيل كيجي لذيذ و قوامو تقيل و عاقد




يصلاح للتقديم فالعراضات اوالايام العادية
و الاهم انه اقتصادي وصحي بدون نقاش
و ممكن تعملي بيه كميات كبيرة
و تعمليه باي نوع فواكه عندك ماشي بالضرورة للي عملت انا










المقادير:





انا كان عندي فالفواكه :
بنان
تفاح
ليمون
فريز
الماء فاش تسلق الروز (بدون ملح طبعا)
سكر حسب الذوق


للتزيين:
قطع فريز
و سكر ڤاني( سنيدة )








الطريقة:

اولا كنغسل الفواكه مزيان بالماء والخل باش تتحيد منها الكيماويات والطفيليات للي ممكن تسبب فالاسهال!
و بعدها كنغسللها بالماء و نمسحها و النشفها
و نقي البنان و التفاح و نقطعو قطع صغيرة
و كنعصر الليمون (ممكن تقطعوه حتى هو و تطحنوه مع باقي الفواكه)
و نقطع الفريز لقطع كبيرة

اما ماء الروز فكيكون ديما عندي فالثلاجة




فالطحانة كنعملو قطع البنان و التفاح تتطحن مع ماء الروز
( الماء فاش سلقنا الروز بلا ملح)
بعد متطحن مزيان كنظيف عليها قطع الفريز و نطحنها غير شوية
باش تبقا القطع طريفات صغيرة تحس بيها فالعصير،
ثم كنضيف عصير الليمون باش ميكحالش العصير (لان البنان والتفاح كيتاكسدو )

و بعدها كنظيف للكل السكر حسب الذواق
(للاشارة انا مضفتش السكر للعصير لانه كيعجبنا مذاق الفواكه بدون اضافة سكر)





التزيين:

زينت الكؤوس بالسكر سنيدة الڤاني (ديال الساشي) فالحواف







طريقة تزيين:


بسيطة كتاخذي 2 طباسل صغار
واحد كتعملي فيه الماء و الثاني ديري فيه السكر الفاني او اي شيء تحبي تزيني بيه

الطبسيل الاول تعملي فيه مقدار ديال الماء ملعقة كبيرة ماء مثلا،

كتكفي فيه الكاس





و تخليه يتقطر





و كتعاودي تكفي الكاس فطبسيل درتي فيه السكر






تحركيه و تهزيه من فوق السكر و تسوسيه من السكر الزائد





و هاهو واجد للتقديم







(او السكر الفاني او القرفة او السكر الملون او رقاقات اللوز او الشكلاط او اي شي بغيتو تزينو بيه. . .)


ان شاء الله نحط ليكم بعض طرق تزيين الكؤوس بشكل بسيط و انيق و فمتناول الجميع




و كنتك فجنب الكاس نصف فريزة مقطعة على شكل عرف الديك


و كنكب العصير فالكيسان بالدواز باش ميتوسخوش جنبات الكاس او يتقطر لينا العصير












التقديم:






و نقدموه بالصحة و الراحة بارد او بدرجة حراة المطبخ فاي وقت



انا كنقدم هاد الكوكتيل بفواكه عدة حسب المتوفر عندي لكن الطريقة كتبقى واحدة















نصيحة وشرح مهم:


لما كنسلق الروز او اي معجنات كنسلقو غير فالماء بلا ملح
باش لما كنصفيه كنحتافظ بهذاك الماء فالثلاجة
و كنصايب بيه العصائر و كنعقد بيه الصوص
(ماء الروز او اي نوع معجنات سلقتها بدون ملح بدل الحليب او الماء فقط)

لان ماء الروز كيعطي للعصير ثقل و سماكة
مكيجيش جاري وفنفس الوقت اقتصادي
و للي ذاقو مكيعرف مناش صايبتيه
مكيكونش فيه مذاق الحليب
و ايضا مكيكونش مزرڭ و جاري بحالا معصور بالماء

و اهم شي انه الاطفال و الناس للي عندهم المصارن حساسة
ممكن يشربو كوكتيل اي نوع فواكه
بلا ميخافو من الاصابة بالاسهال
لانه معروف ان اغلب الفواكه ممكن دير اسهال
لكن معروف ايضا ان الروز و الماء فاش تسلق
كيساعدو على الشفاء من الاسهال،
يعني شربو قدما بغيتو بد
ون خوف!





و ممكن تستعملو الروز نفسو ماشي غير الماء ديالو



ان شاء الله تعجبكم طريقتي و تفيدكم









الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم


اختكن أمنــار

أم ريـَّــان




و عليكم السلام ورحمة الله وبركاته

4 commentaires:

  1. bonjour amanarre

    machaa allah alik
    j'adore ton blog et je suis heureuse de te lire

    merci pour cette magnifique recette

    RépondreSupprimer
  2. تبارك الله عليك اختي ما عندي مانتسالك راكي حادكة الله يخلي ليك صحيحتك

    RépondreSupprimer
  3. bonjour et Merci chère Yakouta
    allah ibarak fik
    tes mots et ton passage me font énormément plaisir
    merci encore







    وعليكم السلام

    بارك الله فيه اختى
    omkalthom
    هذا من ذوق احبيبه الله يخلي ليك كل عزيز و غالي

    RépondreSupprimer
  4. ما شاء الله الفنون الله يعطيك الصحة

    RépondreSupprimer

Related Posts Plugin for WordPress, Blogger...
 
Paperblog