بسطيلة بفواكه البحر و الكورجيت و المخللات

السلام عليكم ورحمة الله وبركاته

وصفة اليوم بسطيلة بفواكه البحر و الكورجيت و المخللات

المقادير:




500 غرام حوت ابيض
500 غرام كلمار
800 غرام كروفيت
3 حبات كبيرة كورجيت محكوكة شرائط طويلة

2حامضات مصيرين محكوكين
ربيع مڭرض
زيتيون طرونشات اسود و اخضر
150 غرام كونكومبر (خيار مخلل) محكوك
بصلة مشحرة
2 ضروس ثوم محكوك
فرماج موزريلا محكوك
كلما كان اكثر كلما كان احسن
ملح
رشة ابزار
ورقة الغار
راس ملعقة صغيرة التوابل الاربعة
رشة خرقوم
راس ملعقة صغيرة هريسة
ملعقة كبيرة صوص صوجا


ورقة البسطيلة (منزلية او جاهزة)


للتزيين استعملو للي حبيتو انا استعملت الخضار
(خص، خيار و تومات سوريز)


الطريقة:






اولا وجدت ورقة البسطيلة ،



غنحط الطريقة ان شاء الله فقسم المعجنات
لما مكيكونش عندي الوقت نوجدها كنشريها جاهزة !

الحوت كيكون عندي منقي و مغسول فالكوجيلاتور
و ايضا فواكه البحر (كروفيت و كلمار)





كنعمل الحوت يتبخر هنا عندي غير السمطة




هي للي عملت تبخرات
مع الكلمار ايضا بخرتو

طبعا نقيت البصلة (بيضاء متعملوش الحمرا كتمرر) ،
و قطعتها تروشات رقيقة و درتها تتشحر فشوية زيت
حتى دبلات




ثم ضفت ليها الكورجيت محكوكة على الطول شرائط
مع الثوابل فص كبير ثوم، و ورقة الغار،و الملح و رشة ابزار
و راس ملعقة صغيرة التوابل الاربعة و رشة خرقوم،



بعد مطيب الكورجيت و تتشرب العطرية،
(مكتاخدش وقت خصها تبقا شادة فراسها يعني الطيب بلا مدوب)



كنضيف ليها الربيع و الزيتون طرونشات اسود و اخضر
و الكورنيشو محكوك و المصير محكوك
و دوائر الكلمار مبخرة



و نالتحريك ببطء ،
بعد ميتشرب الكلمار التوابل
كنضيف الحوت منقي و مفتت



ثم نضيف الكروفيت



و الموتزاريلا محكوكة




و نحرك الكل واحد 2 دقائق لا اكثر فوق نار مهيلة
برفق باش ميدوبوش طراف الحوت

و ها الحشوة جاهزة



و بعدها لما كيبرد الخليط
كنبدا فتعمار و تلماط البسطيلة





لمطها فپايركس أوڤال (بيضوي الشكل)




فرشت طبقة الورقة على الطبسيل و خليتها فايضة فالحواشي
مكنكثرش الورقة باشمتجيش معجنة و تغلب الوقرة على الحشوة
و حطيت الحشوة فالوسط





و سديت عليها بلحواشي للي بقات و لمطها مزيان ب2 ورقات اضافيات




دهنتها بالزبدة و دخلتها للفرن تتحمر



و كانت غاتحرق ههههه لاني تشطنت مع السلطة و نسيت البسطيلة


لما تحمرات
فرشت ليها الخص فطبق التقديم و زينتها بالخيار دوائر و الطوماط سوريز


التقديم:




قدموها دافية






او باردة




الان الحوت كيكون الذ لما كيكون بدرجة الحرارة المحيطة




و بالصحة ولراحة



ان شاء الله تنال اعجابكم




اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد






اللهم ادمها نعمة و بارك لنا فيها و اكتب لي بها حسنة طيبة و احفظها من الزوال




الله يرزقنا و إياكم خيرات الدارين و لا يحرمنا من طيبات الجنة و نعيمها





دمتن في رعاية الكريم





اختكن أمنــار





أم ريـَّــان


وعليكم السلام ورحمة الله وبركاته

عصير سموثي باللوز والخوخ و الكرموص و التفاح و التمر

السلام عليكم ورحمة الله وبركاته

عصير اليوم:

عصير سموثي باللوز والخوخ و الكرموص و التفاح و التمر

لذيذ و صحـــــــــي بــــــــزاف بدون سكر او اية اضافات
مفـــــيد جدا جدا جدا... للصغار و الكبار
و يليق كفطور او عشا خفيف و مغذي لمتبعي الريجيم الصحي
ان شاء الله ينال اعجابكن

نخليكم مع المقادير و الطريقة البسيطة

المقادير :

دائما الكميات حسب عدد الاشخاص

خوخ
تفاح
كرموص
لوز
تمر
ماء

شخصيا لكل كاس عصير من الحجم الكبير كنعمل :
نصف خوخة كبيرة + نصف تفاحة كبيرة
+ 2 كرموصات + 7 تمرات (من النوع الرطب القابل للطحن بحال الدڭلة)
+ 2 ملاعق كبيرة رقائق اللوز

و كنطحن كل كاس كبير بنصف كاس عنبة ماء
باش كيجي القوام ثقيـــــل و عاقد او ما يسمى سمـوثي

و مع الفواكه و التمر لا داعي لإضافة السكر
وممكن تعوضو الماء بعصير الليمون او الحليب لو توفر او اي سائل كتفضلو حسب الرغبة

الطريقة :

اولا كنغسلوالفواكه فالماء و الخل و كنضفوها مزيان

شخصيا مكنقشرش الفاكهة لان القشر كيعطيني طعم و قوام مميز اضافة الى اللون و الفائدة اغلب الفيتامينات كتكون مركزة فالقشرة فمن غير الصحي نلوحها

و كنقطع الخوخ و التفاح و نحيد ليه العلف
و كذلك التمر كنحيد ليه العلف (كنختار التمر الرطب القابل للطحن)
و كنقطع الكرموس
و كناخذ اللوز كنقطعو رقائق باش يسهال طحنو

و هنا صورة للقياس للي كنعمل لكل كاس

كيف قلت

لكل كاس عصير من الحجم الكبير كنعمل :
نصف خوخة كبيرة + نصف تفاحة كبيرة
+ 2 كرموصات + 7 تمرات (من النوع الرطب القابل للطحن بحال الدڭلة)
+ 2 ملاعق كبيرة رقائق اللوز
و كنطحن كل كاس كبير بنصف كاس عنبة ماء

ثم فالخلاط كندير الماء و التفاح و الكرموص و الخوخ وكنطحن الكل مزيان
حتى كيتجانسو

ثم كنضيف اللوز و التمر بهاذ الترتيب
باش كيعطيو قرمشة و قوام للعصير

و كيف سبق و قلت كنطحن كل كاس كبير بنصف كاس عنبة ماء
باش كيجي القوام ثقيـــــل و عاقد او ما يسمى سمـوثي
يعني قياس الماء حسب عدد الكؤوس للي بغيتو تقدمو اي حسب عدد الاشخاص كل كاس كبير بنصف كاس متوسط

التقديم :

كنقدم السموثي مباشرة بعد الطحن

مزين برقائق اللوز

ممكن يشرب او يؤكل بملعقة حسب الرغبة

فالصيف بحال دابا كنطحنو بالماء المثلج اما فالبرد فبالماء عادي

و دائما غير يتطحن يتقدم باش تكون الاستفادة من فوائد الفاكهة اكبر

اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته

Tajine de viande de veau aux cardons

salut les amis ,

Voici un plat spécialités marocaines très appréciées,
que j'adore personnellement !

Progression de la recette :

Ingrédients ( pour 3 a 4 personnes)

1 cardon frais (une dizaine de branches)

500 g de viande de veau
1 oignon
du persil
1 grosse gousse d'ails

Sel, poivre
1 cc de cumin
1/2 cc de gingembre
1/2 cc de curcuma
1/2 cc de rasselhanout
1 cs de huile d'olive
25 g d'olive confit maison
1/2 citron confit

Préparation :

Dans une cocotte mettre la viande, l’oignon, l'huile d'olive, le gingembre, le cumin, rasselhanout, le curcuma le sel et le poivre.

Faire revenir l'ensemble pendant 5 minutes.

Couvrir d'eau et laisser cuire à couvert pendant 20 min.
(Si la viande n'est pas de bonne qualité il vous faudra la faire cuire 40 a 45 minutes )


j'ai nettoyée peler, couper et déposer le cordon dans de l'eau vinaigrée en avance.

Une fois la viande cuite rajouter le cardon

Faire revenir l'ensemble pendant 5 minutes.

Puis ajouter l'olive confit maison, une gousse d'ail couper en petits dès , le persil

Couvrir d'eau a moitier

laisser cuire à couvert pendant 15 min.

puis ajouter le citron confit ,

Couvrir et laisser mijoter à feu doux jusqu'à ce que le tout soient cuits et la sauce réduite.

Mettre dans un plat ou tajine de service

décorer avec les olives et le citron confit

Hmmmmhhhh quel délice, fondant et parfumé ...

Je vais poster d'autres recettes avec ce merveilleux légume in chaa allah!


À bientôt :)

عصير التفاح و العنب الاخضر بالحليب

السلام عليكم ورحمة الله وبركاتة

اليوم غنقدم ليكم عصير صحي جدا جدا







المهم عصير اليوم هو عصير التفاح و العنب الاخضر بالحليب




كيجي غزآآال فالفطور او السحور او فالايام العادية



بخليكم مع المقادير و الطريقة

المقادير:





حسب عدد الاشخاص

تفاح
عنب اخضر
حليب
(انا استعملت لتر الا ربع ماء المثلج مع كاس كبير بودرة الحليب (نيدو)
و فنجان من مكعبات ثلج)
سكر حسب الذوق
نصف كاس عصير حامض (للحفاض على التفاح من التأكسد)

الكميات حسب عدد الاشخاص

مثلا الى درتو رابعة ديرو رابعة من كلشي المقادير بنفس الكمية
باش يجيكم العصير متجانس و سميك نوعا ما ماشي غير ماء جاري

الطريقة :





اولا كنرقدو العنب فالماء و الخل باش نتخلصو من المبيدات الحشرية و الحشرات للي ممكن تكون فعنقود العنب
بعدها كنشللوه مزيان بالماء و نقيوه
انا خليتو بالقشر ديالو و بالعلف
لانهم مفيدين خصوصا العلف ديال العنب
فيه مواد كتقاد الهرمونات خصوصا لينا كنساء كتفيدنا و كتحارب الشيخوخة : )

و كنغسلو التفاح و نقيوه
و نقطعوه مكعبات صغيرة
و نضيفو ليه نصف كاس عصير حامض
باش ميتاكسدش و يحافظ على لونو


ثم فالخلاط كنديرو مكعبات الثلج مع حبات العنب و التفاح





والحليب بودرة نيدو( او الحليب العبار )




و قليل من الماء




غير القياس فاش عنطحنو الفواكه مزيان




و كنطحنو الكل مزيان
حتى كيتجانسو و كنضيفو قياس الماء الكافي الى عملتوه بحالي بنيدو
اما الى عملتوه بحليب العبار فضيفو الكمية المتبقية من الحليب
باش يعطينا عصير ثقيل و قوامو عاقد




مكنضيفش السكر لان حواة الفواكه تكفيني
انتم اضيفو السكر حسب الذوق

و نقدموه مباشرة بالصحة و الراحة

التقديم:






قدمتو مباشرة










مزين بعنيقيد عنب






هو عصير ساهل سريع و مغذي و منعش فنفس الوقت




و ممكن تعوضو التفاح باي فاكهة متوفرة عندكم

و بالصحة و الراحة

اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال



الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته