Rechercher dans ce blog

mercredi 27 février 2008

حرشة معمرة بالشكلاط و اللوز





السلام عليكم ورحمة الله وبركاته



وصفتي لليوم ان شاء الله تابع لسلسلة وصفاتي للحرشة المعمرة

كيف سبق و قلت
و كنعيد:
انا من
محبــــــــــــــــــــــــــــــــات الحرشة



و كنحاول ننوع فيها و فالحشوات ديالها (مالح حلو . . . )


الحرشة اســــــــــــهل نوع معجنات ممكن نعملوه ناجح 100%
اقتصــــــــــــادية بلا تمارة والا ضياع وقت

مكتحتاج لا دليك لا تخمار
و ممكن ننوعو فيها كيفما تشهينا
و نحشيوها حسب ذوقنا مالح او حلو

و كتوجد بالخف و تليق :
للفطور
الغذا
الكاسكروط
او العشا
...
كاين محسن من هكا ?!


وكيف واعدتكم هادي طريقة اخرى لتعمار الحرشة
او بالاحرى حشوة اخرى للتنويع
و كتجي لـذيــــــــــذة:
حرشة معمرة بالشكلاط و اللوز













نخليكم مع المقادير والطريقة







المقادير:





500 غرام سميدة الحرشة




ملعقة صغيرة ملح،
ملعقة كبيرة سكر

رأس ملعقة خميرة الخبز،
روح الڤانيلا غبرة
قطرات من روح الشكلاطة ...

خميرة حلوى ،
فنجان حليب بودرة
فنجان زيت
1/4 لتر ماء / كاس ديال عنبة
(ممكن إضافة الماء اكثر حسب جودة الدقيق المستعمل)

للحشوه او العمارة



شكلاطة سوداء% 73 او اكثر
او بديل الشكلاطة او شكلاطة بالحليب
او شكلاطة للدهن (نيوتيلا) او اي نوع شكلاط كتفضلو
لوز مقطع رقائق








الطريقة :






في إناء نخلطو المقادير الناشفة بالتتابع



كيف مبين فالصور
500 غرام سميدة الحرشة
+ ملعقة صغيرة ملح
+ ملعقة كبيرة سكر
+ رأس ملعقة خميرة الخبز
+خميرة حلوى بودرة
+ روح الڤانيلا غبرة
+فنجان حليب



نخلطو كلشي النواشف مزايان و نضيفو الزيت




و نفتلوها





كيف تانفتلو الكسكس او البات بريزي حتا تشرب الزيت


ثم نضيفو4/1 لتر ماء ونعجنو السميد





و نضيفو ليه ايضا قطرات من روح الشكلاط




ونخلطو مزيان حتا نحصلو على خليط رخو
و متماسك فنفس الوقت




(ممكن إضافة الماء اكثر حسب جودة الدقيق المستعمل)



و نخليوها ترتاح شوية
و نبداو فتكويرها




و قسمت العجين الى كويرات بقياس المشمشة الكبيرة




و كنحشيها بملعقة صغيرة من رقائق اللوز و قطع الشكلاطة
كنحطهم وسط الكرة المبسطة

و الطريقة مشروحة بالصور





اولا كنبسط الكرة فراحة يدي



و كنحط عليها ملعقة صغيرة من رقائق اللوز




و قطع الشكلاطة





وسط الكرة المبسطة





و كنعاود نسدها و نكورها




كيف مبين فالصور


و بعد منكملو التعمار




نسخنو المقلة (مقلة وجدة الثقيلة افضل)




و كنبداو نمرمدو كويرات الحرشة فالسميدة من كل الجهات





و نڭرصوها كيف مبين فالصورة




و نبداو نطيبو الحريشات ديالنا






على نار مهيلة








حتى يتحمرو و يطيبو على خاطرهم
و يكتاسبو لون ذهبي محمر














التقديم :







نقدموها سخونة اوباردة







كتجي معلكة بالشكلاط



و فنفس الوقت مقرمشة باللوز








بالصحة و الراحة


اتمنى تجربوها و تنال اعجابكم و تكون طريقة جديدة لتقديم الحرشة







ملاحظة :


الحرشة قابلة للتجميد سواء ا كانت عادية او محشية
يعني ممكن تعملوها بكمية كبيرة و تحشيوها بحشوات متنوعة مالحة و حلوة
و تحفظوها فالفريزر او المجمد لحيت تحتاجوها
خصوصا و شهر رمضان الفضيل على الابواب و كنبغيو نوجدو شهيوات خفيفة مسبقا
باش يبقى لينا وقت للعبادات فالشهر الابرك

لما تبغيو تقدموها جبدوها و خليوها ديكونجلا على خاطرها
و سخنوها اما فالفرن مسبق التسخين او فمقلة وجدة الثقيلة
و قدموها بالصحة و الراحة بحالا عاد وجدتوها








اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد






اللهم ادمها نعمة و بارك لنا فيها و اكتب لي بها حسنة طيبة و احفظها من الزوال




الله يرزقنا و إياكم خيرات الدارين و لا يحرمنا من طيبات الجنة و نعيمها





دمتن في رعاية الكريم





اختكن أمنــار





أم ريـَّــان


وعليكم السلام ورحمة الله وبركاته






jeudi 14 février 2008

پانكيك ساهل و لذيذ







السلام عليكم ورحمة الله وبركاته





هذ الوصفة ديال الپانكيك مكنستغناش عليها










ساهلة مقاديرها بسطية و المذاق كيجي غزال
و كتليق للفطور او الكسكروط ،
مع كويس ديال اتاي منعنع متشبعو منها







المقادير :

 بيضة كبيرة
ربع كأس كاس زيت كاس العنبة
 كاس حليب دافي كاس العنبة او ما يعادل ربع ليتر
ملعقة كبيرة زبدة مذابة
150 غرام دقيق
ملعقة صغيرة خميرة الخبز
ملعقة صغيرة خميرة الحلوى
قبصة ملح
سكر حسب الذوق
 فانيلا

للسقي :

نصف كاس عسل نحل مذاب في نصف كاس كبير ماء











الطريقة :








تخلط كل المقادير مع بعض السائلة اولا
الحليب
(انا استعملت حليب بودرة نيدو طربتو مع الماء فالطحان )

مع الزبدة و الزيت و البيضة


ثم نضيف خميرة الخبز و خميرة الحلوى و الفانيلا


و نخلط الكل


ثم نزيد الدقيق شوية بشوية

حتى الحصول على عجين متجانس اثقل من عجين البغرير

نخليه يرتاح و يتخمر بين 10 الى 15 دقيقة او اكثر لما يكون الجو بارد


و فهاد الوقت نحضرو سيرو العسل باش عنسقيو الپانكيك



كناخذو نصف كاس عسل من الافضل عسل النحل ماشي سكر او ڭليكوز
كندوبوه فنصف كاس كبير ماء و نخليوه على جنب

بعدم كتخمر العجينة

كنطيبو الپانكيك ديالنا على الجهتين





نفس طريقة طياب البغرير لكن هذا كيطيب و كيتحمر من الوجهين بزوج




كلما طابت وحدة من الجهتين كنسقيوها و هي باقي سخونة بملعقة كبيرة من سيرو العسل

و نكررو العملية مع كل الپانكيك و حنا كنحطو وحدة فوق وحدة

باش يحافظو على الدفا و يتشربو العسل اكثر




التقديم:





شخصيا كنفضلو مع كويس ديال اتاي مشحر و منعنع :)




نقدموه بالصحة و الراحة


سخون او دافي


مع سيرو العسل
او شكلاطة الدهن او الكونفيتير ...

او الكريم موس او شانتيي او الڭلاص لو بغيتو تنوعو و تتفننو

او للي كتفضلو
اتمنى تجربوها و تردو عليا خبر







اللهم لك الحمد و الشكر كما ينبغي لجلالك على نعمل الكثيرة اللتي لا تحصى و لا تعد





اللهم ادمها نعمة و بارك لنا فيها و اكتب لي بها حسنة طيبة و احفظها من الزوال




الله يرزقنا و إياكم خيرات الدارين و لا يحرمنا من طيبات الجنة و نعيمها



دمتم في رعاية الكريم



اختكم أمنــار



أم ريـَّــان

وعليكم السلام ورحمة الله وبركاته


mercredi 6 février 2008

حرشة بالكوك




السلام عليكم ورحمة الله وبركاته









حبوباتي وصفتي لليوم ساهلة ماهلة و بسيييييطة جدا




ان شاء الله تابع لسلسلة وصفاتي للحرشة
هاد المرة ماشي معمرة انما معجونة بالكوك

كيف سبق و قلت و كنعيد:
انا من محبــــــــــــــــــــــــــــــــات الحرشة






و كنحاول ننوع فيها و فالحشوات ديالها
مالح حلو




الحرشة اســــــــــــهل نوع معجنات ممكن نعملوه ناجح 100%
اقتصــــــــــــادية بلا تمارة والا ضياع وقت


مكتحتاج لا دليك لا تخمار
و ممكن ننوعو فيها
كيفما تشهينا

و نحشيوها


حسب ذوقنا مالح او حلو




و كتوجد بالخف و تليق

للفطور
الغذا
الكاسكروط
او العشا
...
كاين محسن من هكا ?!


وكيف واعدتكم هادي طريقة اخرى للحرشة
او بالاحرى طريقة عجن و تقديم اخرى للتنويع
و كتجي لـذيــــــــــذة:
حرشة بالكوك














نخليكم مع المقادير والطريقة











المقادير:











400غرام سميدة الحرشة

400غرام سميدة الحرشة
100 غرام كوك /المحكوك طبعا
ملعقة صغيرة ملح،
2 ملعقة كبيرة سكر


رأس ملعقة خميرة الخبز،

روح الڤانيلا غبرة

قطرات من روح الكوك ان توفر



خميرة حلوى ،

فنجان حليب بودرة

فنجان زيت
1/4 لتر ماء / كاس ديال عنبة
لو توفر عندك حليب الكوك يكون افضل بدل الماء










الطريقة :









في إناء نخلطو المقادير الناشفة بالتتابع





كيف مبين فالصور

400 غرام سميدة الحرشة
+ ملعقة صغيرة ملح
+ ملعقة كبيرة سكر
+ رأس ملعقة خميرة الخبز
+خميرة حلوى بودرة
+ روح الڤانيلا غبرة
+فنجان حليب







نخلطو كلشي النواشف مزايان و نضيفو الزيت








و نفتلوها









كيف تانفتلو الكسكس او البات بريزي حتا تشرب الزيت





ثم نضيفو 100 غرام كوك

و نفتلوه مع العجين حتى يتجانس مزيان







ثم نضيفو4/1 لتر ماء أو حليب الكوك لو توفر عندك

ونعجنو السميد











و نضيفو ليه ايضا قطرات من روح الكوك


ونخلطو مزيان حتا نحصلو على خليط رخو

و متماسك فنفس الوقت












كيف كيبان فالصورة





(ممكن إضافة الماء اكثر حسب جودة الدقيق المستعمل)




و نخليوها ترتاح شوية



و تتشرب
و نبداو فتكويرها



قسمت العجين الى كويرات بقياس المشمشة الكبيرة











و مرمدتها فالسميدة من كل الجهات






و نڭرصوها كيف مبين فالصورة













نسخنو المقلة (مقلة وجدة الثقيلة افضل


و نبداو نطيبو الحريشات ديالنا








على نار مهيلة




حتى يتحمرو و يطيبو على خاطرهم

و يكتاسبو لون ذهبي محمر


















التقديم :









نقدموها سخونة او باردة







كتجي لذيذة و كتحسي بالكوك لما كتاكليها











بالصحة و الراحة




اتمنى تجربوها و تكون طريقة جديدة لتقديم الحرشة










ملاحظة :




الحرشة قابلة للتجميد سواء ا كانت عادية او محشية

يعني ممكن تعملوها بكمية كبيرة و تحشيوها بحشوات متنوعة مالحة و حلوة
و تحفظوها فالفريزر او المجمد لحيت تحتاجوها
خصوصا و شهر رمضان الفضيل على الابواب و كنبغيو نوجدو شهيوات خفيفة مسبقا
باش يبقى لينا وقت للعبادات فالشهر الابرك



لما تبغيو تقدموها جبدوها و خليوها ديكونجلا على خاطرها

و سخنوها اما فالفرن مسبق التسخين او فمقلة وجدة الثقيلة
و قدموها بالصحة و الراحة بحالا عاد وجدتوها











اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد




اللهم ادمها نعمة و بارك لنا فيها و اكتب لي بها حسنة طيبة و احفظها من الزوال




الله يرزقنا و إياكم خيرات الدارين و لا يحرمنا من طيبات الجنة و نعيمها




دمتن في رعاية الكريم




اختكن أمنــار




أم ريـَّــان




وعليكم السلام ورحمة الله وبركاته













Related Posts Plugin for WordPress, Blogger...
 
Paperblog