طورطة الخوخ بالكنفتير و العسل

السلام عليكم ورحمة الله وبركاته





طبعا حبيباتي كلكم كتعرفو للطرطات
و هي اسهل و ابسط شي فالحلويات
و ممكن تزيينها باي شيء متوفر فالكوزينة،





و ليوم عملت هاد الطرطة البسيطة
فقولو بسم الله و قبلو على موجد

المقادير :





العجين :

250 غرام دقيق فورص
125 غرام زبدة
50 غرام سكر ( للي بغات العجينة حلوة تزيد )
رشة ملح
بيضة
1 ساشي خميرة الحلوة
1ساشي فاني


الحشو و التزيين :




نصف لتر حليب
2 معالق كبار بودرة كريم باتيسيير ( جاهزة)
سكر حسب الذوق انا عملت ملعقة كبيرة
خوخ (استعمل 3 خوخات كبيرة)
3معالق كبيرة كنفتير الخوخ او المشماش
2 معالق كبيرة عسل














الطريقة :




كنحضرو العجين المرمل :

فاناء كنخلطو الدقيق مع الزبدة (درجة حرارة المطبخ)
و نفتلوه حتى يترمل مزيان
و بعدها نضيفو عليهم خميرة الحلوة
و البيضة و رشة الملح و السكر و الفاني
و نعجنو الكل حتى يتجانس ،



انا خدمتها فالعجان حتى دلكها مزيـان






بعدها سرحتها بسمك 1 سنتيمتر



حطيت المول فوق العجين باش نقطعها بقياس مناسب




و قطعت الزائد



دهنت المول بالزبدة



و فرشتها




فالمول






قاديت الحواف




و تكيتها بطريقتي هههه




باش متنفخ







و دخلتها للفرن حتى كتاسبات لون ذهبي خفيف




لما قربت نخرجها من الفرن ، و جدت الكريم باتيسيير




كنعمل الجاهز بودة ،


2معالق كبيرة بودة كريم باتيسيير
دوبتها مع السكر و نصف لتر حليب





و درتها فوق عافية مهيلة







مع التحريك حتى عقدات

و لما طابت الفون ديال الطرطة




كبيت عليها كريمة الباتيسيير سخونة و خليتها تبرد


و دخلتها للثلاجة حتى جمدت الكريمة و ثبتت




و بعدها صفت الكنفتير كيف مبين فالصورة



و فهاذ الوقت حضرت الزينة :





قطعت الخوخ شرائح رقيقة ،
و حضرت سيرو العسل
2 معالق كبيرة العسل
دوبتها مع 2 معالق ماء دافي







بعد مخرجت الطرطة من الثلاجة و عقدات الكريم باتيسيير










بديت فالتزيين





من الخارج بالتجاه الداخل





على شكل وردة



طبعا كلا يزين على ذوقو و حسب المتوفر




بعد مكملت تستاف الخوخ على وجه الطرطة




دهنتها بسيرو العسل للي حضرت


و دخلتها للفرن مسخن على درجة 150 مدة 5 دقائق باش يتشرب الخوخ العسل و يعطيه بريق












التقديم :







و قدميها بالصحة و الراحة






ممكن تقدموها فنفس اليوم





او حتى تبات و تتشبع النكهات

ان شاء الله تروقكم الوصفة

الله يرزقنا و إياكم خيرات الدارين و لا يحرمنا من طيبات الجنة و نعيمها

دمتن في رعاية الكريم

اختكن أمنــار

أم ريـَّــان

وعليكم السلام ورحمة الله وبركاته

ماطيرMaterكيك بأملو اللوز من كوزينتي كيف العادة مصورة

السلام عليكم ورحمة الله وبركاته



حبيباتي لكن وحشة
ان شاء الله تكونو كلكم بالف خير
عذروني على قلة المشاركة
كان ولدي مريض و تشغلت معه
لله الحمد هاد الاسبوع مشا للمدرسة و بدا يتشافى
لذلك البارح عملت ليه كيك باش نفرحو و نشجعو و نفاجؤو بيه ملي يدخل للدار




الكيك بسيط جدا فغير قبلو عليا التزيين ديالي على قد الحال (ماشي محترفة فنون جميلة هههه)




المهم الكيك الاساسي بسيط و زينتو ليه على قد جهدي
على شكل الديپاناج



Mater للي فالرسوم المتحرة Cars



و كانت غتحرق ههههه حيت تلهيت بجميع الدار و نسيت الكيك فالفران خخخخخ



نخليكم مع المقادير و الطريقة


مقادير الكيك ممكن تعملو اي كيك او جنواز كتنجح معكم






المقادير :




4 بيضات كبيرة
1 كاس سكر
نصف كاس زيت
نصف كاس زبدة مذابه
قبصة ملح
2 معالق كبيرة حليب بودرة
250 غرام دقيق الحلويات الممتاز
ملعقة كبيرة خميرة الحلويات ( او 3 ساشيات)
ملعقة صغير ممسوحة بيكاربونات الصودا
ملعقة كبيرة مايزينا
ملعقة صغير خل
5 معالق كبيرة املو اللوز



للتزيين :

عجينة السكر ( كنشريها جاهزة )
ملونات غذائية
سكر ڭلاصي للعمل على عجينة السكر


للسقي عسل مطلوق فالماء الدافي منسم بروح اللوز باش يتماشى مع طعم املو







الطريقة :

اولا كنفصل بياض البيض عن الصفار



و كنخلي البياض على جنب
و نبدا فعمل الكيكة




كنخلط صفار البيض مع السكر و الزيت و الزبدة و الحليب بودرة و الخل مزيان حتى يتجانسو



ثم كنضيف ليهم الدقيق مخلط مع خميرة الحلوى و البيكاربونات و المايزينا و نخلط الكل مزيان حتى يتجانسو




ثم كنطلع بياض البيض بالطراب



حتى يتكثف و يجمد




كنضيف نصف كمية بياض البيض على الخليط







و نخلطو بشوية حتى يتمازج ثم كنضيف املو اللوز
و نخلط الكل حتى يتماجز املو مع باقي الخليط



و بعدها نضيف الكمية للي بقات من بياض البيض



(الهدف من اضافة بياض البيض فالاخير برفق هو انه كيخلي الكيك مهوي بحال الپونج )



بعدها عملتو فالمول
انا اختاريت بمول سيليكون على شكل مستطيل باش يسهل عليا عمل الشكل للي بغيت ديال الديپاناج



دخلتو لفرن مسبق التسخين على سرجة حرارة بين 180 و 200 C°
25 حتال 30 دقيقة

حتى ينضج الكيك طبعا كتعرفوه نضج لما تدخلو فيه موس او قطيب و يخرج ناشف


لما برد شوية ديموليتو و سقيقتو بخليط
العسل مطلوق فالماء الدافي منسم بروح اللوز باش يتماشى مع طعم املو






و بديت تقطيع الكيك




و تركيبو على شكل ديپاناج




وانا كنشوف فموتيف اللعبة باش يعاوني نحدد الشكل العام




بعدها بديت فتلوين عجينة السكر



باللون البني /قهوي مخلط بالليموني/ برتقالي
للكاروسري ديال الكيك
اللون الابيض للعينين و الاسنان ..
اللون الاخضر للعدسات




فسطح العمل رشيت السكرڭلاصي باش يسهال عليا مد و العمل على عجينة السكر
دلكتها مزيان حتى حصلت على السمك المناسب



و وضعتها على الكيك بالكامل و قطعت الزائد



و بديت فعمل باقي التفاصيل
الاعين =پاربريز
الفم = رادياتور
الاذنان= الريتروڤيزور




الانف = الموطور






الروايض


...









والصور ابلغ فالوصف





سمحو لي بعض المراحل مكيناش لاني كنت مزروبة

ان شاء الله تكون الطرقية و الفكرة واضحة
بعجينة السكر ممكن تزينو و تخبدعو فتزيين الكيك حسب رغبتكم






التقديم :





و هاهو فطبق التقديم




حطيتو ليه فوق الطبلة هو وصحابو



كيتسناو ريان يجي من المدرسة











اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد

اللهم ادمها نعمة و بارك لنا فيها و اكتب لي بها حسنة طيبة و احفظها من الزوال


الله يرزقنا و إياكم خيرات الدارين و لا يحرمنا من طيبات الجنة و نعيمها


دمتن في رعاية الكريم



اختكن أمنــار




أم ريـَّــان




وعليكم السلام ورحمة الله وبركاته